Student Power

Ika-walong araw na ngayon simula nang magsimulang mag-protesta ang mga estudyanteng Taiwanese sa loob mismo ng debating chamber ng kanilang Legislative Yuan, o Taiwan Parliament laban sa kontrobersial na cross-strait trade policy pact na namamagitan sa bansang Taiwan at Mainland China. Sinasabi ng mga student protesters at ng kanilang mga dumaraming supporters  na lalo raw magiging banta sa kasarinlan ng bansang Taiwan ang pagpapatupad sa nasabing cross trade pact. Habang tumatagal ay tila lalong nagiging astig ang mga estudyante. Noong 5:45pm nung araw ng linggo, naging violent at madugo na ang sitwasyon nang pinuwersa na ng mga pulis na umalis ang mga student protesters. Gumamit na sila ng mga water canons at mga batuta at marami na ang mga nasaktan at nadala sa ospital. Parang eksena sa Mendiola at Malacanang nung kasagsagan ng student activism nung 1970s.

Di naman natinag ang mga estudyante. Patuloy silang dumadagsa at nag-re-relyebo sa pagmamanman. Hanggang ngayon, nandoon pa rin sila sa Parliament building–taas kamao, manaka-nakang sumisigaw, kumakanta ng mga protest songs, nagwawagayway ng mga fresh at artificial sunflowers bilang sagisag ng kanilang pagtutol sa sinasabi nilang “9% President” (nine percent lang daw kasi ang popularity rating ng kanilang Pangulong si Ma Ying-jeou).

Hati ang opinyon ng mga Taiwanese sa isyung ito. May nagsasabing katulad ng lahat ng mga economic trade pacts, ang pagpapalitan ng mga produkto ng kahit na anong bansa ay magdudulot ng malaking kaunlaran sa kanilang  ekonomiya. Sabi ng ilang mga eksperto, kapag natuloy raw ang cross-strait relations, ma-be-benepisyuhan  nito ang 90% ng mga local na komapanya sa Taiwan samantalang ang natitirang 10% naman ay mapipilitan daw mag-upgrade ng kanilang produkto para sila maging competitive. Karamihan sa mga nagsasabi nito ay kabilang sa  Kuomintang (KMT), ang ruling political party ni president Ma.

Kung tatanungin mo naman ang mga ka-alyado ng oposisyon, ang Democratic Progressive Party o DPP, nakabaling daw diumano ang nasabing trade pact sa panig ng China. Unang-una na nga raw ang nasabing trade deal ay nabuo ng wala man lang konsultasyon sa publiko, at kung maisakatuparan ay magiging banta sa kanilang national security . Dahil dito, tatlo ang demands ng mga student protesters: 1) Kailangan daw humingi ng public apology si President Ma dahil sa hindi magandang paraan na ginawa niya na pagtulak  para mabuksan ang usapan tungkol sa cross-strait policy; 2) Ang pagpapakita sa publiko ng kanilang Parliamentary Speaker na si Wang Jin Pyung (“his pay of respect,” ayon sa “The Economist” magazine); at 3) ang pagpapasa ng legislasyon para ma-i-institutionalize ang karapatan ng parliament na suriin ang nasabing cross-strait pact “item-by-item.”

Kagabi, habang nag-w-workout ako sa gym, tinanong ko ang ilang mga foreigners at Taiwanese kung ano ang opinyon nila sa mga kaganapang ito at marami sa kanila ay nagsasabing normal lang daw ito sa kahit na anong malayang bansa. May nagsabing ito na raw ang simula ng pagbagsak ng gobyerno ni President Ma. May nagsasabi naman na kailangan niyang laruin ng mahusay ang kanyang mga natitirang baraha kung gusto pa niyang magtagal sa kapangyarihan.  May nagsasabi namang binabayaran lang daw ng DPP ang mga estudyante para manggulo. Pero marami rin ang ngumiti lang at nagsabing wala raw silang pakialam. “We’re not affected so what else can we say except we hope things get better,” sabi nung isang expat na katabi kong tumatakbo sa treadmill.

Kanina, naka-headline sa mga dyaryo rito na nakahanda na raw si President Ma na harapin ang mga astig na estudyante. Mukhang magiging matagal pa bago magkaroon ng maayos na kahihinatnan ang reutersusapang ito.

Photo courtesy of Reuters and Taipei Times

 

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Events, Taiwan Life. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s