Sa Gitna ng Tensyon

Ayaw ko na sanang talakayin pa ang tila humahaba at lumalalang bilateral tension sa pagitan ng Taiwan at ng ating bansa sanhi ng pagkamatay ng isang mangingisdang Taiwanese, pero tatlong araw na akong inuulan at pinuputakti ng mga pangungumusta buhat sa aking mga kapamilya, kamag-anak at kaibigan kung ano nga ba raw ang sitwasyon dito. Kanina, may kumontak na sa aking staff ng isang TV station sa Maynila at nagpapatulong sa aking maghanap ng Pinoy na ma-I-interbyu nila. Nagtanong-tanong na ako sa ilang mga kaibigang Pinoy pero wala naman silang maiturong kababayan na naging biktima ng discrimination o karahasan.

Ang totoo nyan, bukod sa mga nababasa kong balita sa dyaryo at sa internet, wala naman akong napapansing gaanong epekto ng mga pangyayari simula nung maganap ang di kanais-nais na pagkamatay ni G. Hung-Shih Cheng sa ating karagatan. Maliban na lang sa temporarily on-hold ang mga proyekto namin sa Pilipinas at naantala ang mga kaibigan kong naka-skedyul na mamsasyal dito, normal lang naman ang takbo ng aking buhay. Malaya akong naglalakad pauwi ng bahay galing opisina, sumasakay sa mga taxi, train at bus, namimili sa mga grocery stores, kumakain sa mga restaurants at nakikipag-kuwentuhan sa ilang mga kaibigan kong Taiwanese na kapareh0 ko ring nalulungkot sa alitan ng mga lider ng aming mga bansa. “But you and I are good friends, okay?” Sabi sa akin nung Taiwanese na may ari nung canteen na malimit kong bilhan ng pagkain. “Let them fight, but we are okay.”

Inaamin ko na nung una, dahil nga sa mga balita na nababasa ko sa internet at dala na rin ng aking overstretched imagination, medyo kabado ako. Katunayan, sabi nung landlord ko, to be safe, pag may nagtanong daw sa akin kung tiga saan ako, sabihin ko raw na Indonesian, Malaysian o Thai ako.  So sinwitch on ko ngayon ang aking scriptwriter mode at gumawa ako ng sariling fake identity. Ako si Abdul Ron Mazak, tiga Indonesia pero lumaki at nag-aral sa Amerika.  Medyo lalagyan ko pa ng twang ang aking ingles, para maging authentic ang aking pagpapanggap.  Tamang-tama, sabi ko sa sarili, may mga polo akong batik, at ilang linggo na akong vegetarian kaya carry ko ang pagpapanggap. Wag lang akong hihingan ng ID at doon na magkakabukingan.

Pero kaninang umaga nang sumakay ako sa taxi at tinanong ako ng drayber ng: “Ni shi shenme guoji?” o anong nationality mo? Hindi ko malabas-labas sa bibig ko ang salitang Indonesian. Binalot ako ng guilt. For a micro-second, nag-flash sa akin ang image ni Jose Rizal na nakapamaywang sa akin. At para akong biglang natauhan. Bigla kong na-realize na hindi pala ako pwedeng maging spy.

Filipino, sagot ko. Nakahanda na nga akong bumaba ng taxi sakali mang di niya nagustuhan ang sagot ko. Pero ngumiti sya.

“I always go to Manila. Our governments fight but don’t mind them.” May mga sinabi pa siya  pero karamihan sa kanyang litanya ay inusal niya sa wikang instik kaya ngumiti at tumango lang ako.

Anyway, sa mga kamag-anak, kaibigan at kakilala ko na nakakabasa nito, ang gusto ko lang ipahatid ay okay na okay lang ako dito. So far and knock on wood, wala pa naman akong nararanasan o nasasaksihan na discrimination laban sa mga Pinoy na narito. Bilang Pilipino, I have very strong feelings about the issue pero ayaw kong ilabas ang aking political views sa blog na ito. Gaya ng nakararami, umaasa akong ma-re-resolve din ang kaguluhang ito. Sa pinagsama-samang halos pitong taon ko ng paninirahan sa Taiwan, hindi lang naman ngayon nangyari ang ganitong sitwasyon kaya malakas ang pakiramdam kong pasasaan ba’tShip maaayos din ang lahat.

Salamat Chinapost sa larawan

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Taiwan Life. Bookmark the permalink.

9 Responses to Sa Gitna ng Tensyon

  1. Can you write this in English so I can send it to the Inquirer? This is a great piece that will help ease the tension.

    Thanks!

    Caesar

  2. Ching M.Lumanta says:

    Oh Ronald…that’s good to hear..grabe naman na-hype kasi sa media…

  3. Joann says:

    When there was tension between the Philippines and Hong Kong awhile back my HK based brother would pretend to read the Chinese paper in the train, just to be safe. In our hearts I think all we want is to coexist.

  4. onip pino says:

    ay salamat…pero ingat pa rin ‘nald!🙂

  5. sally says:

    RGP and DIG is asking kung ok ka nga daw..thanks to this blog at okay kau dyan…ingat pa rin

  6. ay hala…tuloy pa ba kayo dito sa September?

  7. Salamat sa inyong lahat. Caesar, thanks. Will try but I’m very busy with work. Di ko alam kung may time akong mag translate. Joann, I’m not really sure if I blend in the crowd pero wala pa naming tumitingin sa akin ng masama sa mga public places. Sally, pakisabi kay RGP and DIG na okay lang ako. And Daye, depende lahat yan kung maaayos agad ang dispute. Siguro naman by that time, okay na lahat. Hoping and praying for the best. Regards tp all!🙂

  8. Ida says:

    Ha ha… di ka nga puedeng spy or artista. Pero totoong Pinoy, oo! Ingat ka lagi:)

  9. Jean Cabrera says:

    Ingat lang ronald kc me news dini sa CNN tungkol jan so sana matapos na rin ang dispute na yan. Basta magdasal lang tayo para sa ating kaligtasan, ingat ka friend.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s