Jujube

Dahil sa paparating na ang Chinese New Year dito sa Taiwan, nagkalat ang iba’t-ibang klase ng prutas  sa lungsod ng Taipei. Paboritong regalo ito ng mga Taiwanese. Bukod sa bigas at cake, prutas ang nireregalo ng mga boss sa kanilang mga empleyado. Kaya naman parang may fruits overload dito ngayon. Pagsakay ko nga sa bus o sa train papauwi sa tinitirhan ko, lahat ng nakakasalubong ko, may kanya-kanyang dalang supot, bag o kahon ng ponkan, mansanas, kiwi, ubas at ang pinakamarami sa nakikita ko–ang jujube, o lalong kilala sa tawag na Chinese dates.

Last week, nag-uwi ako ng dalawang dosenang jujube sa bahay dahil namigay ang boss ko sa aming lahat. Dahil sa mag-isa lang ako, wala pang kalahati ang nakain ko. Yung iba, nabulok sa kahon at tinapon ko. Kahapon, eto na naman ang dalawa pang dosenang jujube. Kalahati nito ay binigay ko na nga sa mga kaibigan ko pero pino-problema ko kung paano ko uubusin yung kalahati pang dosena. Hiniwa ko yung dalawa kaninang umaga at nilagay sa isang malaking zip lock. Yun ang minemeryenda ko. May 10 pa akong jujube na bubunuing kainin sa bahay. Mukhang mapupurga na yata ako sa jujube. Ang laki-laki ng problema ko!

So para ma-inspire, nag research ako tungkol sa jujube, dahil sa abot ng aking kaalaman, wala nito sa Pinas. Ang natitikmang kong dates e yung dried preserved fruit–pero hindi yung fresh fruit na malimit kong mapagkamalang green apples. Anyway, ayon sa aking research, ang jujube (Zizyphus zizyphus) ay isang winter fruit na tumutubo sa Southern Taiwan. Hindi ito inigenous sa bansang Taiwan kundi galing daw sa India. E alam nyo naman ang mga Taiwanese–high tech. Kung ano-anong ginagawang hybrid na nagagawa nila sa mga gulay at prutas. Kaya raw itong Taiwan jujube ay improved na ang hitsura at lasa. Dalawang klase ng vaireties ang paborito ng mga Taiwanese–ang Golden Dragon at ang yellow Crown.

Ang dami pala nitong medicinal properties kaya malimit itong tawaging the miracle healer fruit. Antiulcer fruit daw ito. Anti-inflammatory, anti-stress at isang mahusay na sedative. Okay din daw ito sa ubo at sipon.

Ka-chat ko yung isa kong kaibigan sa Pinas at kinukwento ko sa kanya itong aking mga bagoing additional knowledge.

“Anong lasa nyan? Parang mansanas din ba?” tanong niya.

Nag-isip ako bago sumagot. “Parang pero iba ang texture niya. At saka ang mansanas, kalimitan may taglay na asim. Ito hindi. So far, yung mga natitikman ko matamis.”

“Padala ka nga dito ng matikman ko,” sabi niya.

“Tingnan mo sa SM grocery,” sabi ko. Baka meron na dyan. Am sure mayroon. Effect ng WTO kaya meron na,” sabi ko trying to make a joke.

“WTO ka dyan,” sabi ng kaibigan ko. “Ano namang hitsura nyan?”

“Parang maliliit na green apples,” sabi ko. At grabe ang packaging. Talagang maitatago mo ang kahon for future use.”

“Ganun?” reaksyon ng kaibigan ko. “Samantalang sa atin, kung ipagwaswasan kainaman!”

“Sinabi mo pa,” sagot ko. “Maswerte angJujube mga prutas dito. Well taken care of. Lalo na nga ang jujube!”

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Food, Health, Taiwan Life. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s