Doomsday Ek-Ek

Mayan-Calendar

Kagabi, bago mag-strike ang Dec. 21 nung 11:59 pm, umandar ang aking overactive imagination. Paano nga ba prinedict ng mga Mayans ang pagtatapos ng mundo? Magkakaroon ba ng massive blackout tapos sabay-sabay na lindol at tsunami? Naku, if ever, sana mabilisan na, bulong ko. Sana di masyadong masakit.

Nung isang araw, kausap ko sa telepono ang isang dating ka-opisina. “O ano, mag-e-end of the world na daw, ano’ng reaksyon mo dun?”

“A, ewan ko ba sa mga Mangyan na yan,” sabi niya. “kung ano-anong prinedict para takutin tayo!”

Natawa ako. “Ano ka ba? Mayans, hindi Mangyan. Magkaiba yun! Yung Mayans, nung ancient civilization. Yung mga Mangyan, tiga Mindoro `yun.”

Natawa na rin siya. “Ikaw naman, mag-e-end of the world na nga, ine-edit mo pa ako. Hayaan mo na!”

Mahirap talagang bigyan ng doomsday prophecy ang mga Pinoy, sabi ko sa sarili. Kahit minsan seryosohan na, dinadaan pa sa biro.

Naaalala ko nung lindol ng 1998. Nasa Tainan ako nun. Nagising akong halos mahulog sa kama sa lakas ng uga ng lupa. Karipasan kami nung kasama kong Pinay sa labas. Nakita namin ang mga foreigners na alalang-alala, halos mangiyak-ngiyak. Yung kasama ko, nakuha pang magbiro. “Uy, di man lang ako nakapag pulbo at lipstick,” sabi niya. “Baka mamaya andyan na ang CNN, makikita ako sa Pinas na ganitong hitsura ko. Kakahiya.”

Double-edged sword nga naman ang sitwasyon. Kung padadala ka sa takot, talo ka. Kung i-h-humor mo, malasin man ay sumaya ka kahit paano.

Nabasa ko sa Taipei Times kahapon, sa iba nga daw restaurant sa ibang bansa, may mga “End of the World Menus” at “End Countdown Parties” na ino-offer. “…elsewhere in Asia,” sabi ng isang AFP wire report, “the end of times will be the best of times, featuring a techno soundtrack and fine dining.”

Dito sa Taipei, talagang itinaon pang opening ng pelikulang “Seeking a Friend for the End of the World.” isang romantic comedy film tungkol sa pagtatapos ng ng mundo na pinagbibidahan nina Steve Carell at Keira Knightley ang ipinalabas para maki-ride on sa doomsday fever. Sa events pages ng Taipei Times, naka enumerate ang mga sanlaksang parties sa mga pubs na magsisimula ng alas diyes ng gabi. “Santa’s Naughty or Nice Christmas” sa Micasa, isang all-you-can drink party sa Dunhua South Rd., “Sexy Santa Christmas Party sa Brass Monkey,” sa Fuxing North Road, at “Luxy Xmas” sa Luxy, Zhongxiao East Road. Sa lahat ng mga parties na ito, nakabandera ang kanilang kicker: “Fear of an apocalypse hasn’t stopped clubs and bars from partying the festive season away.”

Kaya sa aking mga tsong at tsang na makakabasa nito, ano tuloy ba tayo bukas? Message nyo ako at kalimutan natin ang prediksyon ng mga Mangyan…este mga Mayans pala.

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
Aside | This entry was posted in Events, Taiwan Life. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s