Immigrants Building America

On going ngayon sa Zhi Qing Exhibition Hall ng Chiang Kai Shek Memorial Hall dito sa Taipei ang exhibit ng American Institute of Taiwan (AIT) na pinamagatang “Immigrants Building America.” Isa itong exhibit ng mga kuwento kung paano ang mga immigrants na galing Taiwan at Mainland China ay nag-ambag ng malaki sa pag-unlad ng Amerika. Itinayo sa pakikipagtulungan ng Overseas Compatriot Affairs Commission, ang nasabing exhibit ay isa ring koleksyon at kalipunan ng mga “Who’s Who” sa Taiwan, lalo na nga yung mga nagtagumpay at naging big time nang tumuntong at manirahan sila sa land of milk and honey at nakamit ang mailap na American dream.

Simple at wala masyadong arte ang nasabing exhibit pero hitik ito sa impormasyon tungkol sa kasaysayan ng relasyon ng US sa China at Taiwan. Sa pamamagitan ng mga malalaking pictures at text, isinalaysay ng exhibit ang kuwento ng mga unang Chinese migrants sa Amerika noong 17th century, gayon din ang mga milestones sa pakikipagsapalaran ng mga instik sa bansa ng mga Kano. Ilan sa mga milestones na ito ang 1882 Chinese Exclusion Act na nagsasaad na sa loob ng isang dekada, wala raw instik ang maaaring pumasok sa Amerika maliban na lang sa mga mangangalakal, diplomats, turista at mga estudyante. Mayroon ding tinatawag na Scott Act na nagbabawal din sa mga Chinese na bumalik sa Amerika kung sila ay umuwi sa China para sa anumang dahilan.

Naging maluwag lang ang pagpasok ng mga Chinese sa America nang maipatupad ang US Immigration and Nationality Act noong October 3, 1965 na naglalayong tanggalin ang anumang uri ng diskriminasyon sa mga banyaga na gustong pumasok sa Amerika.

Matapos ang mga maiikling paliwanag tungkol sa kasaysayan ng Chinese immigrants sa US, ang mga sumunod na exhibit panels ay tumalakay na sa mga Chinese personalities na nag contribute ng malaki sa development ng Amerika. Ilan sa mga naka highlight sina Charles Kao, ang  2009 Nobel Prize Winner for Physics, si Jerry Yang, ang Taiwanese na co-founder ng Yahoo, ang physicist na si Dr. Steven Chu na naging Secretary of Energy ng Obama Administration, si Dr. David Ho, ang Science Director at CEO ng AIDS Research Center, si Michael Chang, ang batang tennis player na kasama sa International Tennis Hall of Fame, si Michelle Kwan, ang most decorated figure ice skater sa kasaysayan ng US, si Amy Chow, ang kauna-unahang Asian member ng US gymnastic team, si Steven Chen, ang software engineer at co- founder ng Youtube, ang playwright na si David Henry Hwang na sumulat ng “Madame Butterfly,” si Jason Wu, ang sikat na high fashion designer na siyang nag-de-design ng mga damit ni Michelle Obama, si Dr. Henry Lee, ang pinakasikat na forensic scientist sa buong mundo, ang Oscar awardee na si Ang Lee, ang NBA player na si Jeremy Lin at marami pang iba.

May mga naka-display din na ilang importanteng gamit at artifacts sa ilang glass boxes gaya ng autographed Nike rubber shoes at T-shirt ni Jeremy Lin, ang mga drawing ng fashion designs ni Jason Wu, kasama na ang isang damit na sinuot ni Michelle Obama, isang model lab experiment ng mga outer space research work sa Mars at ilan pang mga lumang kagamitan nung mga unang Chinese settlers sa Amerika.

May mga ilang looped video presentations naman tungkol sa mga Chinese fashion designers gaya nina Vera Wang, Ann Sui at Jason Wu, Chinese influences sa American cinema, mga interviews sa mga sikat na Chinese directors gaya ni Ang Lee at marami pang iba.

Bilang Pinoy, di ko mapigil maisip ang naging malaking impluwensiya ng tambalang kultura ng Amerika at China sa aking buhay. Come to think of it, para rin pala akong pinaghalong Fil-Am at Tsinoy sa konteksto ng naging impluwensiya ng dalawang kulturang ito sa aking buhay. Nariyan ang  aking mga pagkain  sa McDo at ChowKing, ang pagbabasa at pag-aaral ko ng talambuhay nina Abraham Lincoln, Mao Tse Tung, Bill Clinton at Ma Ying-Jeou, ang walang kamatayan kong paghanga sa mga pelikula nina Ang Lee, George Lucas at Steven Spielberg, ang patuloy kong pag-aaral ng mga wikang Ingles at Mandarin, ang pagkahumaling ko sa dumplings, wanton noodles, pancakes at apple cakes, at marami pang iba. Oo nga, it’s a matter of fact–malaking bahagi ng aking pagkatao ang magkakahalong impluwensiya ng mga bansang China, Taiwan at US.

Pero di lang naman ako. In various levels and degrees, lahat ng nakakabasa at nakakaintindi ng blog ng ito, in one way or another, ay mayroong Chinese-American connection at influence. At maraming Tsinoy, Fil-Am o purong Pinoy na immigrant din sa ibang bansa ay may kanya-kanya ring ambag sa pag-usad ng kaunlaran. Syempre mayroon ding ilan na itinuturing na pabigat para sa kanilang mga host countries pero iba namang istorya yun.

Ang punto lang, whether we like it or not, magkaka-konek talaga tayo.

Ang “Immigrants Building America” exhibit ay tatagal hanggang October 10 sa CKS Memorial Hall.

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Events, Reflections, Taiwan Life. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s