Chinese Valentine’s Day

Kahapon, August 23, 2012 ang ika-pitong araw sa ika-pitong lunar month ng Chinese calendar. Valentine’s day ito ng mga Chinese o tinatawag din ng maraming Oriental Valentine’s Day dahil ipinagdiriwang din ang okasyong ito sa ibang Oriental countries gaya ng Vietnam, Thailand at Japan. “Qixi Festival” kung tawagin ito ng mga Chinese o “The Night of Sevens” kung saan nakaugat ang tradisyon sa isang alamat na parang counterpart ng Romeo and Juliet ni William Shakespeare.

Sobrang cheesy ng kwento ng alamat na di na tayo magtataka kung bakit ang hilig din ng mga Chinese sa mga soap opera at telenobela. Tungkol ito sa kuwento nina Niulang at Zhinu, ang ill-fated lovers na pinaghiwalay ng magulang (ni Zhinu) dahil hindi sila magkauri (ang babaeng si Zhinu ay anak ng isang diyosa). To cut a long story short, forever na lang silang nakatanaw sa baybayin ng ilog dahil ito ang ginawang demarcation line o body of water na maghihiwalay sa kanila habang buhay. May ibang bersyon ng alamat na gumawa raw ang mga immortal gods ng tulay sa ilog para magkita ang dalawang lovers once in a blue moon.

Anyway, kung napanood nyo ang pelikulang “Karate Kid” 2010 version, maaalala nyo ang kwentong ito doon sa eksenang isinama ni Meiying (na ginampanan ni Wenwen Han) si Drew Parker (Jaden Smith) sa isang Chinese puppet show kung saan ipinalabas ang kwento nina Niulang at Zhinhu.

Sa Vietnam, mas cheesy ang version nila ng kwento ng tinatawag nilang “Ngưu Lang Chức Nữ”dahil tuwing magkikita raw antg pinaghiwalay na lovers ay umiiyak silang pareho at ang kanilang mga luha ay nagiging isang kakaibang uri ng ulan. Sa Japan, tinatawag naman ang okasyong ito na “Tabanata” kung saan mayroon din silang sariling bersyon ng nasabing Chinese legend.

Hindi gaanong ramdam ang selebrasyon ng Chinese Valentine’s Day dito sa Taipei di tulad ng ating February 14 celebration na talaga namang batbat ng dekorasyong puso ang mga mall at kung saan ang mga lovers of all persuasion ay pilahan sa mga concerts, restaurant at motel. Ito rin ang araw kung kelan nagiging triple ang presyo ng mga tsokolate at bulaklak.

Pero ewan ko lang. Baka naman hindi lang ako in the loop kaya di ko napansin ang mga selebrasyong nangyari kahapon. Magaling daw kasing maglihim itong mga Taiwanese kaya di nila ipinagpaparandakan ang kanilang mga love stories sa nakararami. Mas kokonti ang nakakaalam, mas mabuti. It would even be perfect kung walang nakakaalam o nakakapansin. Isang kaibigang Taiwanese rin ang nagsabi sa akin nito kaya baka naman na-underestimate ko ang kanilang Valentine’s Day celebration.

The other day, tinanong ako sa YM chat ng isang kaibigang Pinoy. Romantic ba ang mga Taiwanese?

How would I know? Sagot ko. Tapos biglang nag-fast forward ang mga images na nakikita ko sa mga mall, kalye at train. Mga lalaki ang kalimitan kong nakikitang nagbibitbit ng bag ng kanilang mga asawa o syota. Sakbit-sakbit nila ang mga LV, Gucci o Hermes bag ng kanilang mga partners. Marami rin akong nakikitang nagtutukaan sa train, walang pakialam sa mga taong nakatingin at gusto silang sigawan ng “get a room!” Nung winter sa MRT, may babaeng nagsulat sa misty glass window ng train ng “I Heart U” habang misty-eyed din syang nag-b-bye sa boyfriend nya. A few months ago, sa tapat mismo ng Taipei 101, may tumigil na BMW. Bumaba ang lalaki sa driver seat at kumaripas sa opposite side para buksan ang car door ng kanyang date. Ang akala ko, sa pelikula ko lang makikita yun.

Universal naman ang pag-ibig so I guess lovers are lovers no matter what country they come from. Pareho lang ang lalim ng kilig, ligaya at sakit kapag ang puso nila’y lumukso sa tuwa o dumugo kapag nasugatan. Kung may pagkakaiba man, minor na lang siguro yun. Sabi nga ni Venus Raj, ang “major major” na susi pa rin ay ang pusong kahit na nasaktan ng ilang beses ay nakabukas pa rin at laging nakahandang magmahal.

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Events, Taiwan Life. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s