The Best Exotic Marigold Hotel

Pitong pensionadong British senior citizens ang na-engganyo sa isang kakaibang retirement plan na magdadala raw sa kanila sa India kung saan titira sila sa isang magandang hotel. Pero pagdating nila sa Jaipur, India, natagpuan nila ang kanilang mga sarili sa isang luma, madumi at pabagsak ng hotel na pinamamahalaan ng isang masayahing bagets. Imbes na lumugmok sa disappointment, unti-unti nilang sinabi sa isa’t-isa na andito na tayo, we might as well make the most of our stay here. At dito nagsimula ang adventure ng pitong British senior citizens na ginampanan nina Tom Wilkinson, Maggie Smith, Judi Dench, Bill Nighy, Penelope Wilton, Ronald Pickup at Celia Imrie. Halaw sa nobela ni Deborah Moggach, ang “The Best Exotic Marigold Hotel” na dinirek ni John Madden (“Shakespeare in Love”) ay isang pagtingin at pagsusuri sa penomena ng pagtanda– yung dapithapon na bahagi ng buhay ng tao.

Syempre, may kanya-kanyang back stories ang mga senior citizens. Mayroong naghahanap ng closure sa isang childhood love (Wilkinson), nakikipaglaban sa karamdaman (Maggie Smith), sa kalungkutan at pag-iisa (Judi Dench at Ronald Pickup). Mayroon namang naghahanap ng pag-ibig (Celia Imrie) at nasasakal at napapagod na sa kabagutan ng buhay may-asawa (Bill Nighy at Penelope Wilton). Iba-iba man ang kanilang kuwento, pinagbuklod sila ng kanilang agam-agam sa pamumuhay sa isang lugar na hindi pamilyar sa kanila.

Nakatahi ang sala-salabid na kuwento ng mga tauhan sa pelikula sa pagsasalaysay ng character na ginampanan ni Judi Dench, ang biyuda na maya’t-maya ay itinatala ang kanyang mga saloobin sa kanyang journal. Ang character ni Dench ang nakahanap ng self fulfillment nang matanggap siya sa isang call center sa Jaipur bilang isang British custom consultant.

Upang mabalanse ang kuwento ng mga matatanda, ipinasok din ang love story nung bagets na nag-m-manage ng family-owned hotel. Si Dev Patel, ang bida sa award winning Indian film na “Slumdog Millionaire,” ay gumanap bilang si Sonny, na ang pangarap sa buhay ay ang maibalik ang Marigold Hotel sa kanyang dating magarang hitsura at ang mapakasalan ang babaeng kanyang minamahal kahit na kontra ang kanyang ina sa kanilang relasyon.

Sa dami ng characters sa pelikula, minsan ay mahirap sundan ang kanilang individual stories pero sa kinalauanan ay nasanay din ako bilang manonood na matukoy kung sino-sino sila at ano ang kanilang mga isyu at conflict sa buhay. Parehong ma-drama at nakakatawa ang mga eksena lalo na nang ipasok na ang self-deprecating humor ng mga tauhan  na karamihan ay pumapatungkol  sa kanilang pagiging matanda. Maraming sundot ang pelikula tungkol sa mga tema ng pagsisisi, takot, kalungkutan, second chances, etc. pero ang nag resonate sa akin ng malakas ay ang sinabi nung character na ginampanan ni Tom Wilkinson na “life is not a right. it’s a privilege” kaya kailangan daw na patingkarin natin ang kulay ng ating mga buhay.

Nang magtanong  kay Wilkinson ang character na ginampanan ni Penelope Wilton kung ano raw ang nakikita niya sa India, gayong para sa kanya ito ay marumi, magulo at maingay, sinabi ni Wilkinson na “…the colors. the smiles. the attitude of the people“–or something to that effect. Na siya mismong paulit-ulit na ipinapakita sa buong pelikula. Sa mga palengke, sa kalsada, sa mga bangketa, tila sumisigaw ang matitingkad at matatalas na kulay ng pula at dilaw sa mga kasuotan ng mga tao, sa mga bagay na dinaanan ng camera. At nakuha ko bilang manonood ang isang mensahe na pinapaabot ng direktor —na pwede pa rin nating patingkarin ang kulay ng ating mga buhay kahit tayo ay naroon na sa dapithapong bahagi nito.

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Entertainment, Movies. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s