Ang Taiwan sa Mata ng Isang Dayuhan

Si Nick Kembel ay isang Canadian na nagtuturo ng ingles sa Taiwan. Nagtapos siya ng anthropology at religious studies at nakapaglakbay na rin siya bilang backpacker sa mahighit ng 40 bansa sa buong mundo. Ayon sa kanya, sa dinami-dami raw ng bansang kanyang napuntahan, sa Asia sa masyadong napalapit. At sa mga bansa sa Asia, Taiwan  ang itinuturing niyang pangalawa niyang tahanan. Ang matinding interest niya sa maliit na isla ng mga Taiwanese ang isa sa mga dahilan kung bakit niya nasulat ang librong “Taiwan From the Eyes of A Foreigner.”

Kinapapalooban ng pitong mahahabang chapters, ang libro ni Kembel ay isang bilingual book. Ang kaliwang mga pahina nito ay nakasulat sa wikang ingles at ang mga kanang pages naman nito ay nakasulat sa wikang Mandarin. Si Chia Chia Cheng (Emily), ang kasintahan ni Kembel, ang nag-translate ng libro from English to Chinese.

Intertesting at entertaining basahin ang “Taiwan From the Eyes of A Foreigner” dahil malalim ang pagkakaunawa ni Kembel sa Asian culture at religious beliefs. Naipapaliwanag niyang maigi halimbawa, kung bakit matindi ang reverence ng mga Taiwanese sa mga bundok. “This culture has been aware of the healing power of mountain mist for thousands of years.” Ganundin, kung bakit napakarami ng Tudi Gong shrines sa buong isla, “People consult him for agricultural and weather related issues, natural disasters such as floods and famines, as well as most of life’s transitional phases, from informing heaven about the birth of a new child, to thanking the land for providing space for a burial.”

Pero hindi lang sa mga pangkalikasan at pang-isipiritwal na aspeto dumaloy ang mga paksang tinalakay ni Kembel sa kanyang libro. Dahil bukod sa pagiging isang anthropologist, isa rin siyang matinding tagamasid at tiga subaybay ng Taiwan pop culture. Sa katunayan, isa siyang punkista. Sa chapter five na pinamagatang “Chinese Taiwan,” tinalakay niya ang “Confucianism vs. Punk Rock.” Sa sumunod namang chapter na pinamagatang “Contemporary Taiwan,” ipinaliwanag niya kung bakit grabe ang adoration ng mga Taiwanese sa Japanese pop culture. Informative at nakakaaliw basahin ang kanyang pagtalakay sa tinatawag na “Strawberry Generation” ang “Underground Punk Scene,” ang mga “Betel Nut Girls,” ang matinding child stress na nararanasan ng mga kabataan sa buong isla, at marami pang iba.

Pinaghalo-halong travel guide book, personal journal, photo  and cultural essays, ang “Taiwan From the Eyes of A Foreigner” ay isang must read sa mga taong nais pag-aralan ang kasaysayan at kultura ng mga Taiwanese. Hitik ito sa mga trivial information. Example, ang Taiwan daw ang bansang pinakamaraming 7-11 branches sa buong mundo. Ganundin, maraming paliwanag sa libro tungkol sa mga norm, behavior at superstitous beliefs ng mga Taiwanese. Bakit daw malas na numero ang number four at bakit hindi dapat mag celebrate ang mga lalaki ng kanilang mga birthday kapag ang edad nila ay nagtatapos sa digit na 9?

Sa huling pahina ng libro, may iniwang mensahe si Kembel para sa mga ibang foreigners na tulad ko na naninirahan sa isla. “…I encourage you to explore this beautiful island and culture while you are here. As waiguoren (foreigners), we must appreciate the unique opportunity that has been given to us, living in such a magnificent and welcoming place.”

At sa mga hindi pa raw nakakabisita sa islang ito: “I urge you to get out there, visit Taiwan and uncover the exotic, so that you can realize how familiar and non-foreign it maybe.”

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Books, Taiwan Life, Uncategorized. Bookmark the permalink.

2 Responses to Ang Taiwan sa Mata ng Isang Dayuhan

  1. Nymfa Aranas says:

    hi ronald! i missed reading your blog for a week or two…. dami yatang new posts…. about 7-11, kaya pala napansin ko rin nga na npakadami branches sa taipei pa lang. hay kelan kayo matutupad dream ko makabalik dyan….🙂

  2. thanks, nymfa. life is full of surprises. malay mo makabalik ka rito. let me know.🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s