Gamutang Instik

Ari ng lalaking tigre, dugo at langis ng ahas, pinatuyong pagong at butiki—ilan lamang yan sa mga sangkap ng traditional Chinese medicine, na dito sa Taiwan ay ni-re-recognize ng gobyerno bilang alternatibo sa conventional, mainstream o Western medicine. Sa katunayan, ang mga estudyante ng traditional Chinese medicine dito sa Taiwan ay hindi basta-basta nakakapg-practice ng kanilang propseyon kung hindi sila lisensyado ng pamahalaan. At ayon sa mga nababasa ko sa mga dyaryo, dumarami nga raw ulit ang bilang ng mga nag-a-avail ng traditional form ng Chinese medicine.

Nakaranas na akong makapagpa-acupuncture ilang taon na ang nakakaraan sa SM Megamall. Yun ay noong panahong matindi ang sakit ng aking talampakan sa paa at maski anong gawing kong pagpapa-foot reflex at pag-inom ng mga pain reliever ay waepek pa rin. Yung Chinese doctor na kinunsulta ko, nag-suggest na magpa-acupuncture daw ako. Na sinunod ko naman. Hindi lang basta pagtusok ng karayom ang ginawa nya sa aking mga paa at binti. May mga kinabit pa syang maninipis na alambre sa mga karayom na nakatusok sa akin at ang mga ito ay nakakabit sa isang contraption na kapag pinihit ng duktor ay mag-se-send sa akin ng elektrisidad. Sa madaling salita, kinuryente nila ako at matapos ang isang oras na sesyon ay nawala nga ang aking sakit sa talampakan.

Ayon sa mga libro, ang tradisyonal na Chinese medicine ay nakaugat sa theory ng yin and yang, ang konspeto ng qi o yung tinatawag nilang vital energy at ang limang elemento ng buhay ayon sa mga intsik—kahoy, apoy, lupa, metal at tubig.  Kailangan daw maabot ang tamang balance ng lahat ng mga ito gamit ang pinagsama-samang kapangyarihan ng acupuncture, halamang gamot, pagmamasahe, at marami pang iba. Kung sa Western medicine ay naka focus ang atensyon ng mga duktor sa pagpapagaling ng mga sintomas ng sakit o karamdaman, sa traditional Chinese medicine, ninanais na mapanatili ang magandang kalusugan sa pagbalanse ng mga elemento at ang mga halamang gamot.

Hindi ko pa nasusubukang uminom ng mga traditional Chinese medicine. Naaalala ko nung nagpunta ako sa Mainland China, pinipilit ako ng mga kasama kong Taiwanese na subukan ko raw inumin ang dugo ng ahas na kailangang sundan ko ng paglagok ng matapang na gin bilang chaser. Diumano, ito raw ay makapagpapalakas sa akin at makapagpapatibay ng aking katawan. Tumanggi ako at umiling kasi kahit pa kumbinsihin ko ang sarli ko na ako’y adventurous na tao, hindi talaga kaya ng powers ko na uminom ng sariwang dugo ng ahas.

Pero naniniwala ako sa feet and hand reflex. Nang minsang tumindi ang sakit ng ngipin ko, pinaturo ng isa kong kaibigan kung saan ang exact location ng aking sumasakit na ngipin at pagkatapos ay hinanap nya ang counterpart location nito sa aking kanang kamay. Pinindot niya ng pagkadiin-diin ang bahaging yon at parang isang himala, nawala nga ang sakit ng ngipin ko.

Isa ako sa mga taong duda sa bisa ng mga gamot na ito ng instik, pero marami na akong nakakausap dito sa Taiwan (at maging sa Binondo sa Maynila) na nagsasabing gumaling ang karamdaman nila dahil sa traditional Chinese medicine. Mayroon akong napuntahan dati sa Binondo na nagtitinda ng tuyong pagong. Kapag ito raw ay nailaga, ang sabaw nito ay napakabisang gamot daw sa sore throat. “Maniwala ka, ito ang iniinom ni Sharon Cuneta bago siya mag-concert,” sabi nya sa akin. “Pampaganda rin ng boses.”

Ang aking dating boss na Taiwanese ay isang premyadong scientist pero may mga pagkakataon na kapag nagkakasakit siya, sa traditional Chinese doctor sya kumukunsulta. Tinanong ko sya minsan kung magkataliwas nga ba ang prinsipyo ng Western science at ang traditional Chinese medicine. Ang sabi niya, magkaibang-magkaiba nga raw. Kung ganon, bakit kako kahit yung mga katulad niyang scientist ay sa traditional Chinese doctors din sumasangguni?  Kasi nga raw maraming napapagaling. At kung gumagaling nga naman ang maysakit, sino pa ang magkukwestiyon kung tama ang pamamaraan ng panggagamot?

Sabi nga ng kaibigan kong Amerikano, “If I have a life threatening illness, I will drink anything—whatever its form and taste, as long as I get well.”

About pinoytaipeiboy

Pilipinong nagtatrabaho sa Taipei. Mahilig magbasa, magsulat, kumain, manood ng sine, gumala, maglakbay at matulog. Interesado sa milyon-milyong bagay.
This entry was posted in Reflections, Taiwan Life. Bookmark the permalink.

10 Responses to Gamutang Instik

  1. Rey Manalo says:

    RM. bilib ako sa ganyan katulad din ng paniniwala ko sa mga albularyo dito sa atin. yung totoong albularyo at hindi yung mga molestyador at kuwartador. marami akong encounter sa magagaling na albularyo at hindi mo maipapaliwanag kung paano nila natutukoy ang problema ng isang na-maligno o nabalian ng buto…may kilala akong doktor na kapag hindi niya makapa ang tamang sakit ng kanyang pasyente ay ina-advise muna niyang mag patingin sa albularyo! yun ang astig na dok!

  2. Talaga? Dapat pala ay sumama ako sa yo minsan!🙂

  3. likhakho says:

    Bilib rin ako sa Chinese med practices, Ronald. Ang tatay ko noon ay laging pumupunta sa Binondo to buy his meds. I think in a way gumagaling siya kasi bumabalik siya. Very interesting and mysterious for me ang Chinese traditional way of healing. Eh ngayon meron akong bro-in-law na Indian … eh gusto ko rin diskubrehin ang Indian way. We can really learn a lot from the ancients. I read a book on ayurveda naman so sila medyo may pagkakahalintulad rin sa Chinese … may tatlo silang personality type …vita-pittha and one more na nakalimutan ko! … parang yin and yang rin ng Chinese. heniwey, masarap pag-aralan ito … o ayan, nadagdagan na bukod sa pagiging tourist guide eh medical practitioners pa tayo pag nagkataon … naku, mahal ang bayad sa mga tourist guides na may ganitong training hehehe … for me, basta ba makapagpasaya, kumita ng konti at nakatulong eh oks na oks! Makapag-start kaya ng business for senior tourists, dyan ba Ronald, what is the demography of most Taiwan tourists? Oldies for sure!😉 Saan mo ba balak mag-tourist guide/ Sa Asia ba?

  4. hi connie! tama ka, oldies ang kalimitang nakikita kong tourists dito. i think basically because of two reasons: they have the money to spend and they have the time–kasi retired na sila. nag-e-enjoy na lang sa buhay. mas interesado ako sa asia, syempre. kung may panahon at resources lang ako noon, i would really love to take up asian studies. napaka rich and interesting ng asian culture para sa akin.🙂

  5. Permskee says:

    Mom suffered from migraine for years then somebody told her to see this korean who does acupuncture. Aba, one session lang di na bumalik yung migraine niya. Talagang nawala till now. Pati yung koreano nawala. Na-deport yata. Hehe.

    Ang galing nung nag-acupunture sa talampakan mo. I am currently suffering from the same symptom. Pero sana matulad sa iyo – one session lang tanggal na ang aray. Karamihan dito 3 to 10 sessions. Hassle kaya.

    • baka mataas uric acid mo, daye. ganyan daw nangyari sa akin sabi nung chinese doctor. try mo magpa-acupuncture. okay sya. make sure lang na ikaw ang bibili ng needles kasi di mo alam baka used needlesna nagamit nung doctor.

  6. likhakho says:

    Di pa huli Ronald! Pede pang mag-aral … hangga’t may buhay … malay mo, mas lumakas ang appeal mo kay Ms. Janet kasi all-around ka rin naman like her. (yan nang-advice pa kahit hindi naman humihingi ng advice, di ko lang mapigilan kasi bagay kayo😉 ayan, sumipsip pa.

  7. likhakho says:

    wrote some pero wala yung heart ko sa sinusulat ko eh. magulo bahay ko kasi at nag-iimpake kami and when there’s clutter, I can’t work well. bukod sa magulo rin utak. so, hindi pa ako ready to share kasi pangit talaga at hindi ako happy sa write-ups ko. no flavor, no soul kumbaga. am taking a sitcom writing course now, I don’t know if it will help jumpstart my creativity again.

  8. sitcom writing course? wow! nice. e why not start to write about your cluttered state of mind? that would be a good topic to start.🙂 anyway, good luck and keep me posted. thanks for always reading my blogs.🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s